Филология факультетінің деканы

Филология факультетінің деканы


Садирова Күлзат Қаниқызы

Лауазымы: Филология факультетінің деканы

Ғылыми атағы: Филология ғылымдарының докторы, доцент

Ғылыми дәрежесі: Профессор

Телефон: +7 (701) 664-03-06

E-mail: kulzat.sadirova@mail.ru

Мекен-жайы: Ақтөбе, Гришин көшесі, 7А, Филология факультетінің деканаты № 310 кабинет


 

Филология ғылымдарының докторы, доцент, АӨМУ профессоры, филология факультеті деканы, «ЖОО-ның үздік оқытушысы – 2012 жыл» атағының иегері.

Негізгі ғылыми бағыты

қазақ тіл білімі, қазақ тілінің синтаксисі, дискурсология.

Білімі

1984-1989 жылдары Ақтөбе педучилищесінде мектеп бөлімінде оқып, оны үздік дипломмен бітірген.

1989-1993 жылдар аралығында Қ.Жұбанов атындағы Ақтөбе мемлекеттік педагогикалық институтын «қазақ тілі мен әдебиеті» мамандығы бойынша үздік бітірген.

1994-1996 жылдар аралығында ҚР ҰҒА А.Байтұрсынұлы атындағы Тіл білімі институтының грамматика бөлімінде профессор Қ.М.Есеновтің жетекшілігімен 10.02.02-қазақ тілі мамандығы бойынша «Қазақ тіліндегі көп компонентті салалас құрмалас сөйлемдер» тақырыбында кандидаттық диссертация дайындап, 1997 жылы 30 мамырда диссертацияны сәтті қорғаған. 2003 жылдың 17 қазанынан бастап доцент ғылыми атағына, 2007 жылдың 18 қарашасынан бастап АқМУ профессоры атағына ие. 2009 жылы 16 қаңтарда 10.02.02-қазақ тілі мамандығы бойынша «Қазіргі қазақ тіліндегі көп пропозициялы дискурстың құрылымдық негіздері» тақырыбында докторлық диссертация қорғады. Ғылыми кеңесшісі: профессор Ж.А.Манкеева.

Еңбек жолы

Бірнеше мәрте қайта құрылған қазіргі Қ.Жұбанов атындағы Ақтөбе өңірлік мемлекеттік университетінде қызмет еткен 25 жылдың 7 жылында қазақ тілі кафедрасында оқытушы, аға оқытушы қызметін атқарса, 13 жылында түрлі атауға ие болған тіл кафедрасының меңгерушісі, 5 жылында  факультет деканының міндетін атқарушы және декан қызметтерін атқарды. Бүгінгі таңда филология факультетінің деканы.

Ғылыми-зерттеу қызметі

Ғылыми-педагогикалық еңбек өтілі 25 жыл. Ғылыми-педагогикалық қызметін орындау барысында дайындалған 130-дан аса ғылыми, ғылыми-әдістемелік, оқу-әдістемелік еңбектердің авторы. Олардың ішінде 7 оқу құралы (3-еуі  – ҚР БжҒМ РОӘК грифімен), 3 монография (1-еуі авторлық бірлестікте), 1 электронды оқу құралы, 2 ғылыми мақала Скопус базасындағы импакт-факторлы журналда, 2-еуі Томсен Рейтерс базасындағы жинақта жарияланған.

Халықаралық әріптестік орнату, ғылыми ақпарат алмасу, біліктілік көтеру мақсатында 2011-2014 жылдар аралығында Түркияның Нигде университетінде, ҚХР Үрімжі қаласындағы Синзян экономика және қаржы университетінде, ҚХР Іле педагогикалық  институтында, Ресейдің Пермь политехникалық университетінде, Ресей Федерациясы Башкортстан Республикасының Уфа қаласындағы Башқұрт мемлекеттік университетінде, М.Акмулла атындағы Башқұрт мемлекеттік университетінде болып, тәжірибе алмасты. Аталған ЖОО ішінде  Башқұрт мемлекеттік университетінде башқұрт филологиясы факультетінің студенттеріне «Қазақ-башқұрт фразеологизмдерінің этномәдени сипаты» тақырыбында курс оқып, емтихан қабылдады. Ал Іле педагогикалық институтында қазақ тілі мен әдебиеті мамандығының студенттеріне «Түркі тілдері синтаксисінің зерттелуі» тақырыбында дәріс оқыды. Аталған оқу орнында Қ.Жұбанов атындағы Ақтөбе өңірлік мемлекеттік университетінің қазақ тілі мен әдебиеті мамандығы студенттерінің диалектологиялық практикадан өтуін ұйымдастырды.

 


Оқу ісі жөніндегі декан орынбасары
Тәрбие жұмысы жөніндегі деканның орынбасары