Факультет тарихы

Факультет тарихы

Филология факультетінің тарихы 1966 жылдан бастау алады. Аталған жылы Ақтөбе педагогика институты құрылғанда оның құрамында ашылған екі  мамандықтың бірі – орыс тілі мен әдебиеті мамандығы. Филология факультетінің алғашқы деканы – аға оқытушы Сулковский И.Я.

1989 жылы қазақ тілі мен әдебиеті, сонан кейінгі жылдары қазақ тілінде оқытпайтын мектептердегі қазақ тілі мен әдебиеті, филология (орыс/қазақ), орыс тілінде оқытпайтын мектептердегі орыс тілі мен әдебиеті мамандықтары ашылып, шетел тілдері факультетінің құрамынан филология факультеті жеке факультет болып бөлініп шықты. Факультеттің қалыптасуы мен дамуына, жетілуіне әр жылдары үлес қосқан декандар: Ермолин А.Г., Кушнер Ю.З., Молдаханов А.М., Новоселова А.Г., Калюжный А.А., Афанасьев Э.С., Куспаева Р.Б., Карашулакова М.Ж., Байганина Н.М.,  Пангереев А.Ш., Шоқым Г.Т., Бермағанбетов С.,  Алдашев Н.М., Мұхтаров С.С. Қазіргі уақытта факультет деканы – ф.ғ.д., профессор Садирова К.Қ.

Факультет бакалавриаттың 6 мамандығы, магистратураның 2 мамандығы және докторантураның 1 мамандығы бойынша мамандар дайындайды:

Бакалавриат:

  • 5В011700 – «Қазақ тілі мен әдебиеті»;
  • 5В011800 – «Орыс тілі мен әдебиеті»;
  • 5В012100 – «Қазақ тілінде оқытпайтын мектептердегі қазақ тілі мен әдебиеті»;
  • 5В012200 – «Орыс тілінде оқытпайтын мектептердегі орыс тілі мен әдебиеті»;
  • 5В020500 – «Филология: қазақ филологиясы; журналистика және қазақ / қытай тілдерінде құжаттану»;
  • 5В020500 – «Филология: орыс филологиясы; журналистика және орыс / қытай тілдеріндеқұжаттану».

Магистратура:

  • 6М020500-«Филология»;
  • 6М012200 – «Орыс тілінде оқытпайтын мектептердегі орыс тілі мен әдебиеті!.

Докторантура

  • 6D020500- «Филология».