Шетел филологиясы және аударма ісі кафедрасы – Оқу және ғылыми қызметі

Шетел филологиясы және аударма ісі кафедрасы


Кафедра тарихы
Оқу және ғылыми қызметі
Материалдық-техникалық база
Жетістіктер
Біздің түлектер және жұмысқа орналасуы


Оқу және ғылыми қызметі

«Шетел филологиясы және аударма ісі» кафедрасының жұмысы профессор-оқытушылар құрамы жыл сайын жаңғыртып құрастырылатын оқу-әдістемелік құжаттар негізінде ұйымдастырылады. Шетел тілінің практикалық тұрғыдан оқытылуы келесі пәндерге негізделген: «Базалық шетел тілі», «Ауызша және жазбаша сөйлеу практикумы», «Грамматика практикумы», «Фонетика практикумы», «Арнайы шетел тілі», «Академиялық мақсатқа арналған шетел тілі», сонымен қатар т.б. пәндер оқытылады. Мамандық студенттерін оқыту «Екінші шетел  тілін» (неміс тілін) меңгеруге бағытталған. Мамандық студенттерінің қытай тілін оқуға мүмкіндіктері қарастырылған.

Жыл сайын кафедра оқытушылары халықаралық үлгідегі сертификаттарға ие болады. Кафедраның барлық оқытушылары Кембридж Университетінің Емтихан жөніндегі Кеңесі ұйымдастырған ТКТ (Teaching Knowledge Test) халықаралық үлгісіндегі емтиханын тапсырды. Сонымен бірге, кафедра оқытушылары жыл сайын университет негізінде біліктіліктерін арттырып, сертификат иеленеді. Оқытушылар университет және факультетте ұйымдастырылатын әдістемелік семинарларға қатысып, баяндамалары мен жобаларын сәтті қорғап, өзара тәжірибе алмасады. Кафедра оқытушылары ғылыми-зерттеу жұмысымен айналыса отырып, өздерінің ғылыми мақалары, тезистері, баяндамаларын ғылыми жұмыстар және халықаралық, республикалық конференция жинақтарында жариялайды. Университет негізінде шет тілінде онлайн семинарларына қатысуға жағдай жасалынған.

 


Кафедра тарихы
Оқу және ғылыми қызметі
Материалдық-техникалық база
Жетістіктер
Біздің түлектер және жұмысқа орналасуы