Шетел филологиясы және аударма ісі кафедрасы – Біздің түлектер және жұмысқа орналасуы

Шетел филологиясы және аударма ісі кафедрасы


Кафедра тарихы
Оқу және ғылыми қызметі
Материалдық-техникалық база
Жетістіктер
Біздің түлектер және жұмысқа орналасуы


Біздің түлектер және жұмысқа орналасуы

Бакалавр-филолог филологиялық білім саласында гуманитарлық бағыттағы орта профильді және кәсіби, орта мектептен кейінгі кәсіби оқу орындарында шетел тілі мен әдебиеті пәнінің оқытушысы ретінде белгіленген тәртіпте өзінің кәсіптік қызметін атқара алады. Сондай-ақ, кіші санаттың филолог-зерттеушісі ретінде салаға сай ғылыми ұйымдарда жұмыс істей алады. Мекемелерде филолог-ізденуші ретінде қызмет істей алады, БАҚ, басқа да әлеуметтік-гуманитарлық қызмет салаларында, мәдени мекемелерде филология саласы бойынша біліктілікті қажет ететін практикалық қызмет атқара алады.

Құжаттама есебі бойынша 5В021000 – «Шетел филологиясы» мамандығының 2018 жылы шамамен 80% бітірушілері жұмысқа орналасты. Олардың көбі Ақтөбе қаласының оқу орталықтарына ағылшын тілі мұғалімі ретінде жұмысқа қабылданды («Дарина» лингвоорталығы, «ISMA» оқу орталығы, ЖШС «DreamBuilders», «BEST» оқу орталығы, «Синквейн» оқу орталығы, ЖШС «Международное обучение», «Interlinqua» оқу орталығы және т.б.). Көптеген түлектер орта мектептерге ағылшын тілі мұғалімі ретінде жұмысқа қабылданды (№ 19 ОМ, №51ОМ, №61 ОМ, №20 ОМ, №25 ОМ, №5 ОМ, №17 ОМ және т.б.). Осы мамандықтың кейбір түлектері Ақтөбе қаласының колледждеріне ағылшын тілі оқытушысы ретінде жұмысқа орналастырылды (Ақтөбе кооперативтік колледжі, Ақтөбе автожол колледжі). Сонымен қатар, біздің түлектеріміз референт және аудармашы көмекшісі ретінде жұмысқа қабылданды («AgipKCO»,  «Mankent» аударма орталығы және т.б.).

«Аударма ісі» мамандығының түлектері түрлі компаниялар мен фирмаларда жоғары қызметтік міндеттер атқарады, олар: ТШО Құлсары қаласы, «Алтиус Петролеум Интернешнл» ЖШС Ақтөбе қаласы, «Қарашығанақ Петролиум Оперейтинг Б.В» ЖШС Ақсай қаласы, СНПС «АқтөбеМұнайГаз» Ақтөбе қаласы, «Шлюмберже Лоджелко Инк.» Ақтөбе қаласы, «Достық Мұнай Құрылыс» ЖШС Ақтөбе қаласы, «Сан Дриллинг» Ақтөбе қаласы.

2018 жылы «Аударма ісі» мамандығының бітіруші түлектері 100 пайыз жұмыспен қамтылды. Біздің студенттер оқу және өндірістік тәжірибеден Ақтөбе және басқа облыстардағы түрлі кәсіпорындар мен фирмаларда өтеді. Олардың қатарында ТШО Құлсары қаласы, «Алтиус Петролеум Интернешнл» ЖШС Ақтөбе қаласы, «Қарашығанақ Петролиум Оперейтинг Б.В» Ақсай қаласы, СНПС «АқтөбеМұнайГаз» Ақтөбе қаласы, «Шлюмберже Лоджелко Инк.» Ақтөбе қаласы, «Достық Мұнай Құрылыс» ЖШС Ақтөбе қаласы, «Сан Дриллинг» Ақтөбе қаласы және басқалары бар.

Біздің түлектеріміз өз мамандықтары бойынша жұмысқа орналасуда. Жыл сайын сәуір айында кафедра кәсіпорындар мен ұйымдардың басшылары мен мамандарын шақырып, «Бос жұмыс орындары жәрмеңкесін» өткізеді.

 


Кафедра тарихы
Оқу және ғылыми қызметі
Материалдық-техникалық база
Жетістіктер
Біздің түлектер және жұмысқа орналасуы